FLASH
Shkruar nga Pamfleti
Një korrier ushqimesh në Çikago u përfshi në një ndjekje të pazakontë me agjentët e Doganës dhe Mbrojtjes Kufitare të SHBA-së (CBP), pasi i provokoi duke bërtitur slogane kundër Donald Trump dhe duke deklaruar se “nuk jam shtetas amerikan”.
Ngjarja, e filmuar dhe e shpërndarë gjerësisht në rrjetet sociale, tregon burrin mbi biçikletë teksa largohet me shpejtësi ndërsa disa agjentë federalë e ndjekin në këmbë dhe me automjete.
Sipas mediave amerikane, korrieri kishte bërtitur “f*** Trump” dhe “nuk jam amerikan”, çka duket se shkaktoi reagimin e menjëhershëm të agjentëve. Megjithatë, ai arriti të largohej pa u ndaluar.
Pamjet kanë rikthyer debatet mbi metodat agresive të përdorura nga CBP dhe agjencitë federale amerikane gjatë operacioneve në terren, sidomos ndaj emigrantëve dhe personave pa dokumente.
Në vitet e fundit, operacionet e këtyre forcave janë shoqëruar me polemika të shumta në SHBA, pasi në disa raste ndërhyrjet janë kthyer në skena tensioni dhe dhune, madje edhe me viktima. Organizatat për të drejtat e njeriut kanë akuzuar vazhdimisht autoritetet federale për përdorim të tepruar të forcës dhe ndjekje agresive gjatë kontrolleve ndaj emigrantëve.
Lini një Përgjigje