FLASH
Shkruar nga Pamfleti
Një anije e Marinës së Shteteve të Bashkuara, me rreth 3,500 ushtarë në bord, ka mbërritur në Lindjen e Mesme, sipas njoftimit të Komandës Qendrore të SHBA-së.
Bëhet fjalë për USS Tripoli, një anije sulmi amfibe, e cila së bashku me elementë të Njësisë së 31-të Ekspedicionare Detare është e dislokuar zakonisht në Japoni.
Para se të ridrejtohej, anija ishte duke zhvilluar stërvitje në zonën përreth Tajvanit. Sipas raportimeve, rreth dy javë më parë ajo mori urdhër për t’u zhvendosur drejt Lindjes së Mesme.
Komanda Qendrore bëri të ditur se, përveç personelit ushtarak, USS Tripoli po transporton edhe mjete ajrore, përfshirë avionë transporti dhe sulmi, duke rritur kështu kapacitetet operacionale të forcave amerikane në rajon.
Lini një Përgjigje