FLASH
Shkruar nga Pamfleti
Presidenti i Turqisë, Rexhep Tajip Erdogan ka akuzuar sërish Perëndimin për sulmet izraelite në Gaza. Erdogan tha se Perëndimi nuk po i përmbahet ligjit ndërkombëtar në Gaza, sepse "gjaku i derdhur është gjaku i muslimanëve".
"Sa fëmijë të tjerë duhet të vdesin përpara se Komisioni i BE-së të bëjë thirrje për një armëpushim. Sa ton bomba të tjera duhet të bien në Gaza përpara se Këshilli i Sigurimit i Kombeve të Bashkuara të marrë masa", tha Rexhep Tajip Erdogan.
Ai fajësoi vendet perëndimore për ofrimin e mbështetjes së pakushtëzuar për sulmet izraelite në vend që të bënin thirrje për përmbajtje.
Më tej në fjalimin e tij në parlamentin turk, ai deklaroi se Turqia nuk do të qëndrojë e heshtur përballë dhunës "barbare" në Gaza.
Lini një Përgjigje