FLASH
Shkruar nga Pamfleti
Në qendër të bisedës ishin marrëdhëniet dypalëshe dhe bashkëpunimi në industrinë e mbrojtjes
Presidenti i Turqisë, Recep Tayyip Erdogan, zhvilloi një bisedë telefonike me kryeministren e Italisë, Giorgia Meloni, gjatë së cilës diskutuan marrëdhëniet dypalëshe, si edhe zhvillimet rajonale dhe ndërkombëtare.
Sipas një njoftimi të Drejtorisë së Komunikimit të Presidencës turke, dy liderët shqyrtuan ecurinë e bashkëpunimit mes Turqisë dhe Italisë, si dhe çështje të aktualitetit ndërkombëtar dhe rajonal.
Erdogan theksoi se përpjekjet për forcimin e mëtejshëm të bashkëpunimit ndërmjet dy vendeve vazhdojnë në një sërë sektorësh, me fokus të veçantë industrinë e mbrojtjes. Ai nënvizoi gjithashtu rëndësinë e ndërmarrjes së nismave të reja që do t’i japin një shtysë të mëtejshme marrëdhënieve dypalëshe.
Gjatë bisedës u diskutuan edhe çështje që lidhen me NATO-n. Erdogan deklaroi se Turqia pret që në Samitin e Liderëve të NATO-s, i cili do të mbahet nën mikpritjen e Turqisë, të forcohen edhe më tej solidariteti dhe bashkëpunimi mes vendeve aleate.
Lini një Përgjigje