FLASH
Shkruar nga Pamfleti
Elon Musk trazon politikën italiane me qëndrimet e tij mbi emigrantët...
Marrëdhënia mes Elon Musk dhe qeverisë së Giorgia Melonit është e ndërthurur në disa nivele, duke u forcuar në këto dy vite, kjo edhe për shkak të lidhjes së veçantë me kryeministren. Dhe gjithashtu me Matteo Salvinin.
Një miqësi që lindi para zgjedhjeve, kur pronari i X, Tesla dhe SpaceX lëshoi një nga stuhitë e tij sociale në maj 2022 me një Tweet mbi krizën e refugjatëve në Itali: "kërcënimi më i madh për qytetërimin".
Dhe që gjen një front të përbashkët në ‘luftën’ ndaj gjyqtarëve, sidomos tani që Shtëpia e Bardhë drejtohet nga republikanët. Aq sa nga Palazzo Chigi, pas telefonatës me Donald Trump, pati dhe një bisedë me Musk.
Më 15 qershor 2023, lufta kundër natalitetit është ndër çështjet në qendër të takimit të parë ballë për ballë mes Melonit dhe Musk.
Tjetra është Inteligjenca Artificiale. Atë ditë, manjati shijoi kryeqytetin duke lëvizur me një Tesla të bardhë, teksa hëngri spageti me molusqe pati edhe një vizitë ekskluzive tek Koloseu, ku imagjinoi një luftë mes "Romës së lashtë" me themeluesin e Facebook, Mark Zuckerberg.
Kur Meloni zyrtarizoi ndarjen me Andrea Giambrunon në rrjetet sociale, mes mijëra pëlqimeve në postimin e saj u shfaq edhe ajo e Musk, i cili një vit më vonë e gjeti veten duke hedhur poshtë aludimet për një raport intim me Melonin, pasi u shfaqën bashkë në mbrëmjen gala të për Çmimin Global Citizen 2024: "Isha atje me nënën time. Nuk ka absolutisht asnjë marrëdhënie romantike me kryeministren Meloni", tha ai.
Në mes është ftesa për Atreju, eventi i FdI-së, me Rishi Sunak dhe Edi Ramën. Por edhe negociatat mes qeverisë dhe Tesla-s për prodhimin e kamionëve dhe furgonëve elektrikë në Itali, dhe atyre me Starlink, konstelacionin satelitor SpaceX për të ofruar shërbime të internetit me brez të gjerë në zonat e mbuluara keq nga rrjetet e tjera. Një kontratë që përfundoi në qendër të një hetimi dhe nën hetim është edhe krahu i djathtë i Musk në Itali, Andrea Stroppa.
Sipërmarrësi amerikan me origjinë nga Afrika e Jugut u takua gjithashtu me Salvinin gjatë vizitës së tij në Itali, ku u fol për fuqinë bërthamore dhe lirinë. /Përshtatur nga "Ansa"
Lini një Përgjigje