FLASH
Shkruar nga Pamfleti
Ekspertja amerikane e Sigurisë, Ivana Stdradner, që kontribuon në Fondacionin në Mbrojtje të Demokracisë, i ka dhënë një shuplakë të forta presidentit serb Aleksandar Vuçiç.
Stdradner ka kujtuar Sllobodan Millosheviçin, i cili pikërisht në korrik të vitit 1997 u bë President i Republikës Federale të Jugosllavisë. Sipas saj tre dekada më vonë, njerëzit e Millosheviçit janë ende në pushtet, duke përfshirë mentorin e tij, Aleksandar Vuçiç.
“Në korrik të vitit 1997 Sllobodan Millosheviç u bë President i Republikës Federale të Jugosllavisë dhe në këtë ditë ai bëri betimin. Sot është një ditë e zezë për Serbinë. Tre dekada më vonë, njerëzit e Millosheviçit janë ende në pushtet, duke përfshirë mentorin e tij Aleksander Vuçiç”, shkroi ajo.
Stdradner, ka qenë kritike edhe më herët ndaj presidentit serb. Ajo reagoi edhe për qindra mijëra llogari të rreme serbe në Twitter, duke deklaruar se ishin të lidhura direkt me partinë e Aleksandar Vuçiçit.
“Zbulohet lista me gati 15,000 llogari të rreme serbe. Pjesa më interesante është se lista përmban edhe emra të vërtetë dhe informacione për çdo llogari të rreme. Dua të theksoj se këto llogari janë të lidhura me partinë SNS të Vuçiçit”, deklaronte ajo.
Në mars të vitit 1998, Vuçiç u emërua Ministër i Informacionit në qeverinë e Mirko Marjanoviç. Në vijim të pakënaqësive në rritje kundër Millosheviçit, Vuçiç vuri gjoba për gazetarët që kritikonin qeverinë dhe ndaloi kanalet e huaja televizive. Ai kujton në vitin 2014, se ai kishte gabuar dhe se kishte ndryshuar, duke deklaruar: "Nuk më erdhi turp të pranoja të gjitha gabimet e mia politike".
Gjatë mandatit të Vuçiç si Ministër i Informacionit ndodhi që Slavko Quruvija, një gazetar i shquar, u vra në një vrasje të sponsorizuar nga shteti. Në vitin 1999, para se vrasja të ndodhte, Vuçiç dha një intervistë për tabloidin Argument në të cilën ai deklaroi "Unë do të hakmerrem ndaj Slavko Ćuruvija për të gjitha gënjeshtrat e publikuara në ‘Dnevni telegraf’” . Në vitin 2014, Vuçiç i kërkoi falje familjes Ćuruvija që kishin pritur kaq gjatë që autorët të viheshin para drejtësisë dhe i falënderoi të gjithë që u përfshinë në zgjidhjen e çështjes për punën e tyre.
Më 23 prill 1999, Vuçiç deklaronte poashtu: "Kriminelë të tillë si Bill Klinton dhe Toni Bler nuk mund të kenë lindur nga ndonjë nënë. Ata janë kriminelët dhe bishat më të mëdha. Hitleri ishte vetëm një fëmijë i vogël në krahasim me ta”.
Lini një Përgjigje