FLASH
Shkruar nga Pamfleti
Një incident i rëndë ndodhi të martën pasdite në Gjykatën Rajonale të Apelit të Stambollit, kur një prokuror hapi zjarr brenda gjykatës dhe plagosi një gjyqtare, sipas raportimeve të mediave turke.
Incidenti ndodhi rreth orës 13:00 sipas orës lokale në gjykatën e apelit në anën aziatike të qytetit. Sipas agjencisë së lajmeve DHA, gjyqtarja Aslı Kahraman u plagos rëndë kur Muhammet Çağatay Kılıçaslan, një prokuror dhe ish-partneri i saj, e qëlloi brenda ndërtesës.
Sulmuesi dyshohet se u përpoq të qëllonte për herë të dytë, por u ndalua nga një burrë që po shërbente çaj në gjykatë, një i dënuar me kusht.
Gjyqtarja mori ndihmën e parë në vend dhe u dërgua menjëherë në spital, ku sipas të njëjtit informacion është në gjendje të qëndrueshme.
Kılıçaslan u arrestua dhe do të sillej në gjykatën qendrore të Stambollit më vonë atë ditë.
Lini një Përgjigje