FLASH
Shkruar nga Pamfleti
Zëvendëspresidenti i Shteteve të Bashkuara, JD Vance, deklaroi se Uashingtoni po shënon progres në bisedimet me Iranin, por theksoi se presidenti Donald Trump nuk do të miratojë asnjë marrëveshje pa garanci të plota që Teherani nuk do të sigurojë armë bërthamore.
Në deklaratat për gazetarët në Shtëpinë e Bardhë, Vance tha se kishte zhvilluar konsultime me të dërguarit specialë Steve Witkoff dhe Jared Kushner lidhur me ecurinë e negociatave.
“Besoj se po bëjmë progres. Pyetja kryesore është: a po bëjmë mjaftueshëm progres për të përmbushur vijën e kuqe të Presidentit?”, deklaroi Vance.
“Dhe vija e kuqe është shumë e thjeshtë. Presidenti duhet të jetë i sigurt se kemi vendosur një seri garancish absolute dhe të pakontestueshme që Irani të mos sigurojë kurrë armë bërthamore”, shtoi ai.
Deklaratat e zv/presidentit amerikan vijnë në një moment tensionesh të larta në Lindjen e Mesme dhe negociatash intensive mes Uashingtonit dhe Teheranit për programin bërthamor iranian.
Në të njëjtën kohë, një zyrtar iranian pretendoi se Shtetet e Bashkuara paraqitën kërkesa të drejtpërdrejta gjatë bisedimeve të zhvilluara në Islamabad.
Mahmoud Nabavian, anëtar i ekipit negociator iranian, deklaroi se SHBA kishte dy kërkesa kryesore: hapjen e plotë të Ngushticës së Hormuzit dhe largimin nga Irani të të gjithë materialit të uraniumit të pasuruar në nivelin 60%.
Lini një Përgjigje