FLASH
Shkruar nga Pamfleti
Banorët në rajonin Tver të Rusisë kanë treguar atë që panë nga rrëzimit i avionit të djeshëm, që besohet solli vdekjen e Yevgeny Prigozhin.
Fshatarët thanë se dëgjuan një zhurmë dhe më pas panë avionin duke rënë në tokë.
Një banor, Vitaly Stepenok, 72 vjeç, tha: "Dëgjova një shpërthim ose një zhurmë. Zakonisht, nëse një shpërthim ndodh në tokë, atëherë ju merrni një jehonë, por ishte vetëm një zhurmë dhe unë ngrita sytë dhe pashë tym të bardhë."
"Njëri krah fluturoi në një drejtim dhe trupi i avionit nga krahu tjetër" tha ai, duke bërë shenjë me krahët për të treguar se si avioni po binte drejt tokës.
"Dhe pastaj rrëshqiti në një krah. Nuk u zhyt me hundë, po rrëshqiste".
Z. Stepenok tha se ai u hodh mbi biçikletën e tij dhe u nis për në vendin e aksidentit.
"Gjithçka ishte në flakë. Njerëzit po ecnin përreth. Ata nxorën zvarrë dikë, eshtrat e tyre...”, tha ai.
Një tjetër fshatar, i quajtur Anatoli, tha: "Për sa i përket asaj që mund të kishte ndodhur, do të them vetëm këtë: nuk ishte bubullimë, ishte një zhurmë metalike - le ta themi kështu. Kam dëgjuar gjëra të tilla më parë".
Një reporter i Reuters në vendin e përplasjes këtë mëngjes pa disa burra që fusnin viktimat në çanta të zeza.
Pjesë të bishtit të avionit dhe fragmente të tjera u shpërndanë në tokë pranë një zone të pyllëzuar.
Hetuesit mjeko-ligjorë kishin ngritur një tendë aty pranë.
Lini një Përgjigje