FLASH
Shkruar nga Pamfleti
Presidenti i SHBA-ve Joe Biden i dha një mesazh të fortë homologut të tij rus gjatë takimit që bëri me kryeministrin Britanik, Rishi Sunak në Downing Street.
Si rrallë herë Biden u shfaq u shoqëruar nga “Çantat Bërthamore” të cilat mbaheshin nga një oficere police në rrugën 10, raporton The Sun.
Në çantë ndodhen kodet e armëve bërthamore të cilat i japin akses presidentit Biden për të lëshuar raketat nukleare kudo ai ndodhet.
Çanta bërthamore udhëton gjithmonë me avionin presidencial kur kreu i shtetit amerikan ndodhet larg Shtëpisë së Bardhë, por rrallë herë truprojat ose anëtarët e Forcave ushtarake të SHBA-së shfaqen në publik me të.
Çanta e zezë prej lëkure e ndoqi nga afër presidentin sot dhe shumë analistë po e cilësojnë shfaqjen e saj në publik si një mesazh të qartë për Vladimir Putin, para samitit të NATO-s në Vilnius.
Putin është mburrur se ka më shumë raketa bërthamore se vendet e NATO-s dhe i tha Perëndimit “të digjet në ferr“, teksa iu përgjigj lutjeve të tyre për të mos dërguar armë bërthamore në Bjellorusi.
Rusia ka zhvendosur tashmë raketat bërthamore në Bjellorusi, me presidentin Alexander Lukashenko që ka deklaruar se nuk do të hezitojë t’i përdorë ato.
Sakaq, vendosja e armëve në Bjellorusi shënon herën e parë që Rusia ka lëvizur të tillë arsenal ushtarak jashtë kufijve të saj që nga rënia e Bashkimit Sovjetik.
Lini një Përgjigje