FLASH
Shkruar nga Pamfleti
Kancelari gjerman Olaf Scholz tha se kërkesa e Turqisë për tu anëtarësuar në BE nuk është e lidhur me pranimin e Suedisë në NATO.
Ky reagim erdhi pasi presidenti turk Rexhep Tajip Erdogan u tha gazetarëve në Stamboll se do të miratonte anëtarësimit e Suedisë në NATO nëse Turqia do të pranohej në BE.
Por sipas Scholz ky nuk është rasti, për shkak se Suedia i plotëson të gjitha kërkesat për anëtarësimin në NATO”. Edhe Shtëpia e Bardhë, ashtu si Scholz, u përpoq të minimizonte çdo lidhje mes anëtarësimit të Turqisë dhe Suedisë.
Zëdhënës i Këshillit të Sigurisë Kombëtare të Shtëpisë së Bardhë tha se SHBA ka mbështetur gjithmonë aspiratat e anëtarësimit të Turqisë në BE dhe vazhdon ta bëjë këtë, por shtoi se këto diskutime janë një çështje midis Turqisë dhe anëtarëve të bllokut.
“Fokusi ynë është te Suedia, e cila është gati të bashkohet me Aleancën e NATO-s”, vazhdoi zëdhënësi i SHBA-së.
Ndërkohë nga ana tjetër, sekretari i përgjithshëm i NATO-s, Jens Stoltenberg shprehu mbështetjen e tij për ambicien e Turqisë për t'u bërë anëtare e BE-së.
Lini një Përgjigje