FLASH
Shkruar nga Pamfleti
Një aksident i rëndë është regjistruar ditën e sotme në autostradën e A12 në Rosignano, në provincën e Livornon të Italisë, ku për pasojë kanë humbur jetë tre persona humbën jetën dhe pesë të tjerë mbetën të plagosur.
Mësohet se aksidenti ka ndodhur në kabinën ku paguhet taksa e lëvizjes në këtë autostradë. Njëra nga makinat, me shpejtësi, ka përplasur dy automjete të tjera, që po paguanin taksën e rrugës.
Mediat italiane raportojnë se mes të plagosurve ndodhet dhe një fëmijë. Nga përplasja e fortë, dy nga tre makinat e përfshirë në aksident u përmbysën. Po ashtu, edhe kabina ka pësuar dëmtime të mëdha.
Sipas informacioneve fillestare, personi që shkaktoi përplasjen dramatike nuk është ndjerë mirë, për këtë arsye nuk ka arritur për të frenuar në kabinën e pagesës. Megjithatë, ekspertët dhe policia ndodhe në vendngjarje dhe po punojnë për zbardhjen e plotë të aksidentit tragjik.
Lini një Përgjigje