FLASH
Shkruar nga Pamfleti
Kina mohon zërat për vendosjen e mundshme të trupave paqeruajtëse kineze në Ukrainë. Pekini mohon kategorikisht raportet e gazetës gjermane Ëelt am Sonntag, sipas të cilës, Kina i ka premtuar Brukselit për mundësinë e dërgimit të paqeruajtësve në Ukrainë si pjesë e një gjoja "koalicioni të të gatshmëve" për t'i dhënë fund luftës në Ukrainë.
Burime evropiane konfirmuan për gazetën gjermane se diplomatët kinezë në Bruksel kanë eksploruar mundësinë e përfshirjes së Pekinit, duke e konsideruar atë "të imagjinueshme dhe madje të dëshirueshme" nga pikëpamja evropiane.
Por, në konferencën e përditshme për shtyp në Pekin, zëdhënësi i Ministrisë së Jashtme Guo Jiakun iu përgjigj një pyetjeje për ekzistencën e një marrëveshjeje të tillë dhe e hodhi poshtë çështjen me vendosmëri.
"Këto raporte janë krejtësisht të pabaza. Pozicioni i Kinës për krizën ukrainase ka qenë gjithmonë i qëndrueshëm dhe i qartë", tha ai.
Nuk mund të përjashtohet që mohimi i qartë të vijë pas presionit (diskret) nga Kremlini, i cili gjithmonë ka qenë kundër çdo vendosjeje të trupave ndërkombëtare në Ukrainë.
Rusia e konsideron praninë e paqeruajtësve një ndërhyrje të papranueshme, veçanërisht kur promovohet nga një aleat si Kina.
Lini një Përgjigje