FLASH
Shkruar nga Pamfleti
Para 3 vitesh, Ardit Demiri u katapultua në krye të shoqërisë “Posta Shqiptare”, me kërkesë të bandave të Elbasanit; të cilat, prej 20 vitesh e kishin emëruar dhe e mbanin Drejtor Poste, Drejtor Konviktesh, Drejtor Punësimi, Prefekt, drejtor të strehimit, tenderëve, licencave, lejeve të ndërtimit dhe pasurive në Bashkinë e Elbasanit...
Mes 20 procedurave të prokurimit, që ka planifikuar për muajin shtator 2025, është dhe tenderi me objekt “Marrje automjete me qira për nevojat e shoqërisë “Posta Shqiptare”, me fond limit 1.2 milionë Euro me TVSH, të ndarë në 2 lote:
Loti i parë: Marrje automjet furgonçina me qira, me fond limit 985 mijë Euro me TVSH dhe afat përdorimi 4 vite.
Loti i dytë: Marrje autovetura tip “SUV” me qira, me fond limit 215 mijë Euro me TVSH dhe afat përdorimi 4 vite.
Tenderin e publikuar në Buletinin e Prokurimit Publik të datës 1 shtator 2025, Drejtori i Shoqërisë “Posta Shqiptare”, Ardit Demiri, ka vendosur ta zhvillojë më 26 shtator.
Ndërkohë që në muajin maj 2025, zhvilloi një tender për 50 automjete me qira, ndërsa te kompania “Mekrin Motors” e bashkëshortit të krye bashkiakes së Durrësit, Emiriana Sako, bleu makina me vlerë totale 250 milionë lekë.
Fakti, që “Posta Shqiptare” ka 25 automjete me tepër se nevojat për shërbimet e saj, dhe do paguajë 1.2 milionë Euro për marrje atomjetesh me qira, është provë, se kemi të bëjmë me qokë financiare, për kompaninë që është paracaktuar.
Në këtë tender, Drejtori i “Posta Shqiptare”, Ardit Demiri, ka vetëm rolin e firmosësit, sepse ai që do t’i marrë këto miliona është paracaktuar.
Kujtojmë, se pas raportit e kallëzimit penal nga KLSH, për shefat e Bashkisë së Elbasanit dhe nisjes së hetimit nga policia kriminale e prokuroria në muajin tetor 2013, bandat e Elbasanit arritën ta shpëtonin nga burgu “ushtarin” e tyre Ardit Demiri.
Edhe në krye të shoqërisë “Posta Shqiptare”, Ardit Demiri, prej 3 vitesh po bën batërdinë me tenderë e nuk trembet nga denoncimet e hetimet, sepse ka mburojë të gjatin./Pamfleti
Lini një Përgjigje