FLASH
Shkruar nga Pamfleti
Një helikopter i Forcave të Armatosura ka shkuar në ndihmë të zjarrfikësve në Fier. Në fshatin Peshtan ra një zjarr i madh dhe për shkak të terrenit ndërhyrja tokësore ka qenë e vështirë.
Ministri i Mbrojtjes, Niko Peleshi shkruan në rrjetet sociale se të gjithë qytetarët duhet të bëjnë kujdes dhe po ashtu të raportojnë nëse shohin vatra zjarri.
“Helikopteri Cougar ka shkuar në ndihmë të forcave vendore të qarkut Fier për shuarjen e flakëve në zonën e pyllëzuar në Peshtan.
Në këto ditë me temperatura të larta, kur shtete të ndryshme të Evropës po përballen me zjarre, u bëjmë thirrje qytetarëve të bëjnë kujdes, të raportojnë në kohë vatrat e vogla për të shmangur përhapjen në zona më të mëdha”, shkruan ai.
Lini një Përgjigje