FLASH
Shkruar nga Pamfleti
Këtë prag festash qytetarët e Vlorës kanë plot katër ditë pa ujë të pijshëm.
Në dyert e Bashkisë së Vlorës qytetarët janë dyndur duke protestuar se qyteti nuk furnizohet me ujë për shkak të një defekti në linjën kryesore.
Njëri prej qytetarëve ka telefonuar kryebashkiaken Brunilda Mersini, e cila nuk ndodhet në bashki, por tha se është prezente tek ujësjellësi ku dhe ka ndodhur defekti.
Qytetari i është përgjigjur se ajo nuk ndodhet tek ujësjellësi pasi atje ka gazetarë, ndërsa i kërkon që të vijë dhe të bisedojë më qytetarët për problematikën e krijuar tashmë prej 4 ditësh. Më pas Brunilda Mersini u ka mbyllur telefonin.
Gjithashtu ka pasur tensione të vazhdueshme pasi protestuesit kanë përplasur dyert e bashkisë dhe tentojnë të futen brenda.
“Duam ujë”, “Të vijë kryetarja”, “Hapni dyert e bashkisë”, janë thirrjet në sfond.
Të dielën në mbrëmje ata vërshuan në teatrin e qytetit “Petro Marko”, ku nuk lejuan zhvillimin e koncertit.
Lini një Përgjigje