FLASH
Shkruar nga Pamfleti
Banorët e revoltuar kërkojnë të hyjnë në bashki me bidona në duar, duke sharë dhe ofenduar.
Qytetarët e Vlorës kanë nisur protestat sot në dyert e Bashkisë pasi prej 4 ditësh qyteti nuk furnizohet me ujë.
Mësohet se qytetarët kanë nisur dhe përplasjet e para në ambientet e jashtëm të bashkisë. Banorët e revoltuar kërkojnë të hyjnë në bashki me bidona në duar, duke goditur dyert e institucionit. Protestuesit kanë shprehur revoltën e tyre ndaj mungesës së ujit, duke kërkuar një takim me kryetaren e Bashkisë, Brunilda Mersini.
Qytetarët kanë deklaruar se mungesa e ujit po u vështirëson jetën e përditshme.
“Hapeni derën, ose do e thyejmë! Duam ujë. Duam ujë o maskarenj o të degjeneruar, pa ujë nuk ka jetë. Kemi 5 ditë pa ujë. Po zihemi me fëmijët. Duan të lahen. Po vjen 2026 dhe ne jemi pa ujë, t’u vijë turp maskarenj. Ju kemi zgjedhur me vota. I paçit haram votat tona. Ngrihuni si në 1997”, dëgjohen të thonë banorët, teksa përplasen me policinë.
“Me dorë mos prek! Mos prek me dore, hiqe dorën”, i thotë një nga efektivët qytetares, e cila përgjigjet duke thënë “Me popullin mos u merrni”.
Në sheshin përpara bashkisë shihet një numër i konsiderueshëm qytetarësh, të cilët po përplasen me policinë duke tentuar të futen në ambientet e brendshme të bashkisë.
Protestat kanë nisur që prej mbrëmjes së djeshme në dyert e teatrit “Petro Marku” ku bashkia kishte organizuar mbrëmje gala me rastin e festave të fundvitit.
Qytetarët arritën të futeshin brenda duke ndaluar zhvillimin e koncertit të planifikuar e më pas tentuan bllokimin e bulevardit “Ismail Qemali”.
Ka qenë një defekt i shkaktuar në linjën kryesore të transmetimit që ka ndërprerë furnizimin me ujë në qytetin e Vlorës. Konkretisht, defekti ka ndodhur në tubin kryesor që furnizon depot e qytetit, me diametër 1000 milimetra, çka ka bërë që Vlora të mbetet prej ditësh pa ujë. Ndërkohë, vijon puna nga ana e autoriteteve për të rregulluar avarinë, gjë për të cilën janë bërë prova, por kanë rezultuar të pasuksesshme.
Jepini dermen drogaxhiut. Dhe kurvave qe emron ne ministri dhe bashki. Eshte sekti me barbar ne pushtet, nuk eshte PS. PS vdiq bashke me Nanon.