
Prej nëntë ditësh masivi pyjor në Pishë-Poro dhe Darëzezë vijon të jetë nën ‘pushtetin’ e flakëve. Ndonëse situata është normalizuar ka ende vatra aktive, për të cilat po punohet për shuarjen e tyre.
Mësohet se 100 forca të ushtrisë dhe 7 mjete zjarrfikëse po punojnë për të fikur zjarrin në vatrat që ndodhen në pyllin e pishave të buta.
Zjarri ka shkaktuar dëme të mëdha, ku janë djegur rreth 700 hektarë.
Duhet të theksojmë se kjo zonë është pjesë e Peisazhit të Mbrojtur “Pishë Poro-Nartë”.
Greqia solli dje dy avionë, pas ndihmës së kërkuar nga Shqipëria në Mekanizmin Europian të Mbrojtjes Civile.
35 forca zjarrfikëse dhe 7 mjete po punojnë për shuarjen e vatrave të vogla në brendësi të pyllit. Disa prej tyre riaktivizohen ndihmuar edhe nga era në zonë.
Lini një Përgjigje