FLASH
Shkruar nga Pamfleti
Zëdhënësja e grupit të Rithemelimit, Floriana Garo, thotë ka besim tek ish-kryeministri Sali Berisha, tek i cili tha se besojnë shumica e të djathtëve.
Kjo deklaratë e Garos ka nxitur reagimin e analistit Baton Haxhiu në studion e emisionit “Opinion”, i cili i ka thënë se po jep një shembull gabim.
Debati në studio:
Floriana Garo: Unë mund të flas çfarë ka ndodhur me Sali Berishën dhe po flasim për zgjedhje që nuk ishin të barabarta, por ishin të vjedhura. Partia kryetarin e kishte “non grata”, që sulmohej vazhdimisht, që u la pa vulë dhe pa logo. Të gjitha ndikojnë. Populli opozitar e kishte alternativën dhe u pa me foltoren dhe në çdo mënyrë na goditën. Foltorja ishte shpresë. E keni goditur foltoren kaq shumë. Unë besoj tek Berisha dhe të djathtët, një pjesë shumë e madhe besojnë tek Berisha.
Baton Haxhiu: Floriana zemër pse nuk qëndrove në Zvicër?
Floriana Garo: Doja të jepja një shembull ndryshe Baton.
Baton Haxhiu: Po e jep shembullin gabim.
Flroaian Garo: Më vjen shumë keq që e bën këtë koment sepse tregon mungesë patriotizmi të theksuar me këtë koment. Shpesh më pyesin si u gjende në PD-në. Kush ta bëri ofertën? Askush nuk ma ka bërë ofertën. Unë shkova me dëshirën time për të kontribuar në politikë si modeli i një gruaje të re që vjen nga jetesa jashtë dhe do të kontribuojë për Shqipërinë sepse e di që Shqipëria është vendi ku ne do të jetojmë dhe ku shqiptarët duhet të jetojnë.
Lini një Përgjigje