FLASH
Shkruar nga Pamfleti
Agjencia e Mbikëqyrjes Policore në Tiranë, ka ndaluar punonjësin e policisë Admir Elezi, i dyshuar për kryerjen e veprave penale “Shpërdorim i detyrës” dhe “Veprime që pengojnë zbulimin e së vërtetës”.
Sipas AMP-së, policisë Admir Elezi, me detyrë Oficer i Policisë Gjyqësore pranë Komisariatit të Policisë Nr. 3, Tiranë, nuk ka vepruar në përputhje me procedurat standarde të punës duke ndikuar në tjetërsimin e provave pas arrestimit të shtetasit me iniciale H.SH, të cilit gjatë kontrollit teknik iu gjet dhe sekuestrua një shkop metalik i dyshuar si armë e ftohtë.
Ndërkohë, AMP njofton po ashtu se vijojnë ende hetimet për zbardhjen e plotë të kësaj ngjarje.
"Agjencia e Mbikëqyrjes Policore (Rajoni Tiranë) ka ndaluar me iniciativë punonjësin e policisë N/Komisar Admir Elezi, me detyrë Oficer i Policisë Gjyqësore pranë Komisariatit të Policisë Nr. 3, Tiranë, i dyshuar për kryerjen e veprave penale “Shpërdorim i detyrës” dhe “Veprime që pengojnë zbulimin e së vërtetës” parashikuar nga nenet 248 dhe 301 i Kodit Penal.
Ndalimi i tij u bë i mundur pasi në datën 10.03.2026 ka kryer arrestimin në flagrancë të shtetasit H.SH, të cilit gjatë kontrollit teknik iu gjet dhe sekuestrua një shkop metalik i dyshuar si armë e ftohtë.
Gjatë kryerjes së veprimeve proceduriale të administrimit të sendit, punonjësi i policisë nuk ka vepruar në përputhje me procedurat standarde të punës duke ndikuar në tjetërsimin e provave.
Vijojnë hetimet për zbardhjen e plotë të kësaj ngjarje."-thuhet në njoftim.
Lini një Përgjigje