FLASH
Shkruar nga Pamfleti
Ish-prokurori Arjan Ndoja, ka dhënë dëshminë e tij në gjykatë në lidhje me atentatin e ndodhur në vitin 2019 në Durrës, ku mbeti i vrarë Andi Maloku.
Gjatë dëshmisë, Ndoja përshkroi dinamikën e ngjarjes, duke theksuar se para sulmit nuk kishte vënë re asnjë lëvizje të dyshimtë. Ai tregoi se më 1 nëntor 2019 kishte nisur ditën normalisht, fillimisht në punë me Malokun dhe më pas për drekë në një lokal në Durrës, ku ishte i pranishëm edhe Aleksandër Laho.
Sipas tij, pas disa orësh qëndrimi, u nisën me automjet drejt zonës së Urës së Dajlanit. Automjeti drejtohej nga Andi Maloku, pasi Ndoja nuk ndihej mirë, ndërsa Laho ishte në sediljen e pasme.
“Kur kemi kaluar zonën pranë hyrjes së autostradës, kanë nisur krismat. Në fillim nuk e kuptova që ishin të shtëna me armë zjarri. Nuk ishin breshëri, por të ndara. Dukej sikur ishin dy armë të ndryshme”, deklaroi ai.
Ndoja tha se sulmi zgjati rreth 20 sekonda dhe si pasojë automjeti doli nga rruga, duke përfunduar në një kanal pasi u përplas me barrierat. Ai rrëfeu se Maloku, edhe pse i plagosur rëndë, arriti të telefononte të atin duke i thënë: “Na kanë gjujt”.
Sipas dëshmisë, Maloku u rrëzua sapo hapi derën e makinës, për shkak të plagëve të rënda në shtyllën kurrizore. Vetë Ndoja deklaroi se humbi ndjenjat dhe nuk kujton më çfarë ndodhi më pas.
Ish-prokurori theksoi se nuk ka dijeni për autorët e atentatit dhe se nuk i njeh të pandehurit në proces, përfshirë Plaurent Dervishin, për të cilin tha se e njeh vetëm si emër nga një çështje e mëparshme.
Ai shtoi se nuk ka marrë asnjë kërcënim apo kontakt pas ngjarjes dhe se, nëse do të kishte pasur dyshime, nuk do të kishte lëvizur lirshëm. Gjithashtu, përmendi se pas atentatit kishte dëgjuar informacione që lidhnin ngjarjen me Plaurent Dervishin, por theksoi se nuk disponon prova konkrete dhe se kishte kërkuar që çdo dyshim të verifikohej.
Dëshmia e ish prokurorit Ndoja:
“Gjatë vitit 2019 kam qenë prokuror në Durrës. Gjatë 2019 nuk kam patur konflikt me ndonjë person. Kam patur një automjet që ka qenë në emër të bashkëshortes time. Rreth një muaj ka qenë në përdorim të shtetasit Andi Maloku. Në 01.11.2019 kam dal mga shtëpia si zakonisht rreth orës 07:00. Kam qenë i shoqëruar nga Andi Maloku , jam futur në punë rreth orës 12.30. Kam dal mga puna dhe kam shkuar në drejtim të lokalit “Koral”. Kam qenq i ftuar për drekë.
Kam qenë unë Pëllumb Muharremi, i njohur dhe si Aleksandër Laho, Enver Shala dhe shoku i Enverit. Ndenjëm deri në orën 16:00. Pastaj nga aty u zhvendosëm. Shkuam në drejtim të Urës së Dajlanit. Andi Maloku ka qenë drejtues i automjetit. Mbrapa ishte Pëllumb Muharremi, përpara isha ulur unë. Ai kishte mjetin e tij mbrapa. Makina përpara ka qenë e imja. Ndoqëm rrugën normale, u futëm në autostradë në drejtim të Urës se Dajlanit. Kur ndaluan në karburant, pas tij deri te mbikalimi i Shkozetit filluan krismat me armë zjari. Krismat erdhën nga krahu i djathtë i automjetit. Mjeti ishte ne korsi ngjitur me korsinë e shpejtesise, kemi qenë me 60-70 km në orë. Kur filluan goditjet e para nuk e kuptova që ishin të shtëna me armë zjarri. Kanë qenë dy armë sepse kishin zhurma të ndryshme dhe intervali kohor ishte i ndryshëm.
Punë 20 sekondash ndodhi, deri kur doli automjeti nga rruga. Goditjet nuk i pashë se nga vinin. Kur u plagos Andi Maloku devijoi timonin dhe ne përplasëm njërën nga trafikndarëset. Andi Maloku ka qenë në gjendje koshient, unë kam qenë i perbumbur për shkak të plagës. Kur dola nga automjeti kam rënë pa ndjenja. Andi Maloku vdiq në datë 7 nëntor, 6 ditë pas atentatit. Pas atentatit, nuk mësova se nga erdhën të shtënat. Me familjaret e viktimës kam kontaktuar. Edhe ata kanë ardhur mbrapa të gjithë familjarisht. Me Aleksandër Lahon “Rrumi i Shijakut”, ai ka qenë shumë ditë në reanimacion. Mbrapa kur kemi diskutuar dhe ai nuk kishte arritur të shihte gjë. Përveccse nga ju si organ prokurorie, nuk më ka ardhur njeri të na takojë dhe të thotë që ndodhi për këtë arsye. Nuk njoh asnjërin prej të pandehurve.
Vetëm kryesorin e njoh rastësisht, Plaurent Dervishajn. Unë dhe familja ime kemi një shtëpi në Shëngjin dhe atje i kemi pas bërë pushimet. Në Durrës shkoja te “Korali” dhe te një lokal në pronësi të Enver Shala. Përpara ngjarjes nuk kam vënë re ndonjë gjë të dyshimtë. Pas ngjarjes kam lexuar se ata kishin ardhur na kishin ndjekur. Nuk kam vënë re asnjëlloi shenje. Nuk më ka bërë përshtypje ndonjë automjet, nuk kisha dyshime apo shqetësime. Redjan Rraja dhe Arjol Halilaj i kam njohur si fytyrë. Nuk më ka sjellë njeri porosi.
Zonën e Gjirit te Lalzit e kam frekuentuar, por jo një vend konkret që ta kisha pikë specifike. Nuk kam patur interesa pasurore në Gjirin e Lalzit. Vullnet Mucën , vëllain e Pëllumb Muharremit e njoh. Përvec asaj dite kur ndodhi atentati, Aleksandër Laho s’ka hipur ndonjëherë në makinën time. I kam thenë të atit të Julian Meçaj, merre djalin hiqe nga Shqipëria derisa të sqarohen gjërat. Unë dhe sot e kësaj dite jam i qetë sepse nuk i kam borxh kujt.”, tha Ndoja, para trupit gjykues.
Lini një Përgjigje