FLASH
Shkruar nga Pamfleti
Gazetarja Anila Hoxha ka treguar historinë e një të moshuare që po dergjet dyerve të SPAK-ut për të kërkuar drejtësi. Atë e kanë mashtruar dhe i kanë marrë shtëpinë, duke e lënë në qiell të hapur.
Gazetarja tregon në rrjetet sociale se nënë Ferideja humbi ndjenjat para derës së SPAK duke luftuar për drejtësi.
Shkrimi i gazetares Anila Hoxha:
Më ndjekin nënë Feridetë, ose mbase unë jam shumë e ndjeshme për NËNAT !
Të parën e takova në burgun e grave.
E kishin harruar aty dhe si kreu i opozitës se asaj kohe, Edi Rama e mbajti fjalën jo vetëm duke i hedhur një shall krahëve e duke i dhënë përkujdes, por edhe duke i ndërtuar një shtëpi. Nënë Ferideja e atyre viteve, doli menjëherë nga burgu sapo kronika u transmetua në TCH.
Nënë Ferideja e dytë, humbi ndjenjat sot ne derë të SPAK-ut.
I kanë marrë shtëpinë. E kanë mashtruar dhe dhjetra vendime të drejtësisë me te dyshuar që u shpallën fajtorë, nuk vlejnë asgjë. Ajo vazhdon të jetojë me qera, dhe me borxhe që i mori nder njerëz për të paguar avokatët gjatë dhjetë viteve gjyqe që i dhanë të drejtë. A nuk kemi secili , një luftë në jetë?
E mbylla kronikën me një pyetje krah saj: kush duhet të bëjë diçka nëse shteti nuk reagon?
Nënë Feridja është 80 vjeç dhe kushdo që je , kur ta lexosh këtë status, mendo nënën tënde. Duke marrë autobusin nëpër vapë, për të ardhur në Tiranë, sepse ka ende shpresë dhe nuk dorëzohet
Lini një Përgjigje