FLASH
Shkruar nga Pamfleti
Apeli i GJKKO-së ka lënë në fuqi masën e sigurisë “arrest shtëpie” për kryetarin e PD-së, Sali Berisha dhe dhëndrin e tij, Jamarbër Malltezi.
Sali Berisha dhe Jamarbër Malltezi, të cilët janë në hetim për dosjen e ish-kompleksit Partizani, kishin kërkuar ndyshimin e masës së sigurisë.
Por Apeli i Posaçëm ka lënë në fuqi masën e arrestit shtëpiak të caktuar nga GJKKO për kreun e PD-së dhe dhëndrin e tij.
"Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Iliriana Olldashi, sot më 18.06.2024, shpalli vendimin mbi çështjen penale nr. 130 akti, datë 11.06.2024 regjistrimi, regjistruar mbi ankimin e personave nën hetim/ankues S.B. dhe J.M., me objekt: “Ankim ndaj vendimit nr. 245 akti, datë 21.05.2024 të Gjykatës së Posaçme të Shkallës së Parë për Korrupsionin dhe Krimin e Organizuar (me objekt: Informacion dymujor në kuadër të procedimit penal)”, dhe vendosi
Miratimin e vendimit nr. 245 akti, datë 21.05.2024 të Gjykatës së Posaçme të Shkallës së Parë për Korrupsionin dhe Krimin e Organizuar."-njofton GJKKO.
Prej 30 dhjetorit 2023 Sali Berisha ndodhet në arrest shtëpie, masë e caktuar nga Gjykata e Posaçme, pas kërkesës së SPAK.
Ish kryeministri Berisha, nën hetim nga SPAK akuzohet se ka ndërmarrë veprime konkrete në miratim ligjesh dhe aktesh nënligjore, për të favorizuar dhëndrin e tij Jamarbër Malltezi, një ndër pronarët e truallit ku shtrihej kompleksi sportiv, mbi të cilin ndërtoi më pas 19 kulla.
Lini një Përgjigje