FLASH
Shkruar nga Pamfleti
Përfaqësuesi i Shërbimit Gjeologjik Shqiptar, Ardinan Bylyku, ka folur lidhur me situatën e krijuar pas bllokimit të aksit Librazhd–Prrenjas,, ku ka dhënë shpjegime mbi shkaqet e shembjes së segmentit rrugor.
Në një konferencë për mediat Ardian Bylyku, thotë se arsyeja kryesore e shembjes së rrugës Librazhd-Pogradec është sasia e reshjeve të shumta të shiut.
Byluku tha se Shërbimi Gjeologjik do të kryejë të gjithë ekspertimin dhe analizat e nevojshme për t'i sugjeruar më pas autoriteteve zgjidhjet e duhura.
"Sasia e reshjeve ka qenë trefishi në krahasim me 2 vitet e mëparshme. Është një fenomen që njihet me fenomenin e mbingopjes së strukturave, dhe ka dhënë maksimumin e mbingarkesës, duke rezultuar si faktori kryesor për cedimin e gjithë strukturës. Shërbimi gjeologjik është duke vazhduar me pjesën e studimeve të thelluara, të lidhura këto me interpretimet e rezultateve të rreth 500 metrave linearë shpime që do të vendosen nga ekspertët, si dhe serinë e analizave. Falë kësaj pune, matja e rezultateve do të bëhet nga ana jonë, dhe interpretimi i të gjithë rekomandimeve që shërbimi gjeologjik do të bëjë për këtë situatë",-tha Bylyku.
Ndërsa institucioni ia atribuon situatën alarmante reshjeve intensive, mbetet për t’u parë nëse hetimet do të evidentojnë edhe faktorë të tjerë që mund të kenë ndikuar në dëmtimin e rrugës, përfshirë standardet e ndërtimit apo monitorimin e vazhdueshëm të këtij aksi.
Po do mbaje vendin e punes ky agua, e di zanatin!