FLASH
Shkruar nga Pamfleti
Policia e shtetit ka urdhëruar pezullimin e menjëhershëm nga detyra të inspektorit të policisë i cili shantazhoi një shtetase dhe i mori një shumë parash për të mos i publikuar fotot nudo.
Bëhet fjalë për inspektorin me inicialet J.K, me detyrë trup shërbimi për ruajtjen dhe sigurimin e objektit të Policisë Shkencore.
"Drejtoria e Standardeve Profesionale në Policinë e Shtetit me urdhër të Drejtorit të Përgjithshëm të Policisë së Shtetit, në zbatim të Nenit 222, pika 8 të Rregullores së Policisë së Shtetit ka bërë pezullimin e menjëhershëm nga detyra të punonjësit të Policisë, Inspektor J.K, me detyrë trup shërbimi për ruajtjen dhe sigurimin e objektit të Policisë Shkencore dhe ndaj tij ka nisur hetimin disiplinor për shkelje të rëndë. Ndërkohë Agjencia e Mbikëqyrjes Policore ka nisur menjëherë hetimin penal ndaj punonjësit të Policisë", njofton policia.
Mbrëmjen e djeshme emisioni "Fiks Fare" solli rastin e një zonje e cila është shantazhuar nga një punonjës i Policisë së Shtetit, i cili bashkë me të shoqen i kanë marrë qytetares 3 milion lekë të vjetra.
Lini një Përgjigje