FLASH
Shkruar nga Pamfleti
Zjarri në landfillin e Bushatit është riaktivizuar sërish, edhe pse në zonë kanë rënë reshje shiu që pritej të ndihmonin në shuarjen e flakëve.
Situata u duk përkohësisht nën kontroll, por flakët janë rikthyer gjatë mbrëmjes së kaluar.
“U duk sikur zjarri ishte shuar, por jo, pasi mbrëmjen e shkuar është riaktivizuar. Vijon puna nga forcat zjarrfikëse dhe mjetet e tonazhit të rëndë për të izoluar flakët”, raportoi gazetari për "TCH".
Aktualisht, në terren po operojnë forcat zjarrfikëse, të cilat po ndërhyjnë me ujë për shuarjen e zjarrit, ndërsa mjetet e rënda po hedhin dhé për izolimin e vatrave aktive.
Zjarri në këtë venddepozitim mbetjesh ka nisur që prej datës 19 prill dhe vazhdon të mbetet problematik, pavarësisht përpjekjeve për vënien nën kontroll.
Lini një Përgjigje