FLASH
Shkruar nga Pamfleti
Riaktivizohet zjarri në Peshtan të Fierit. Flakët janë përhapur me shpejtësi për shkak të erës, duke bërë që zjarri të marrë përmasa dhe më të mëdha.
Nga aksioni i djeshëm ka mbetur një vatër zjarri, e cila si duket është aktivizuar sot duke krijuar një situatë shumë të vështirë, kjo pasi terreni është i thyer.
Drejtori i zjarrfikësve të bashkisë Fier Zija Hyka ka pohuar se situata është shumë e vështirë.
“Tre grupe zjarrfikëse janë në terren. Po ashtu kërkohen përforcime nga repartet e zjarrfikësve të Patosit. Zjarri po përhapet me shpejtësi në një sipërfaqe të gjerë dhe rrezikon që flakët të dalin në rrugën e vjetër rurale Fier - Cakran në vendin e quajtur "Qafa e Shkozës". Fillimisht priten ndihma nga kolegët e Patosit, por nëse situata vazhdon e njëjtë do kërkohet ndihmë nga helikopteri si një ditë më parë”, tha shefi zjarrfikëseve të bashkisë Fier, Zija Hyka.
Terreni është shumë i vështirë dhe automjetet nuk shkojnë deri afër vatrave të zjarrit dhe punonjësit luftojnë me flakët me pompa uji në shpinë dhe mjete rrethanore, kazma e lopata për të shuar zjarrin.
Nëse situata vazhdon e njëjtë do kërkohet ndihmë nga helikopteri si një ditë më parë. Terreni është shumë i vështirë, automjetet nuk shkojnë deri afër vatrave të zjarrit dhe punonjësit luftojnë me flakët me pompa uji në shpinë dhe mjete rrethanore, kazma e lopata për të shuar zjarrin.
Lidhur me rastin në fjalë nga blutë e fierit u vendos në pranga edhe një 28-vjeçar, i cili dyshohet se ka ndezur zjarrin.
Lini një Përgjigje