FLASH
Shkruar nga Pamfleti
Moti i keq që ka përfshirë vendin ka sjellë problematika në disa akse rrugore, kryesisht në zonën juglindore.
Në segmentet Libonik–Rëmbec–Plasë dhe Korçë–Voskopojë, reshjet e shiut janë pasuar nga reshje bore. Strukturat e mirëmbajtjes ndodhen në terren, ku po kryejnë pastrim dhe kriposje të rrugëve, ndërsa qarkullimi vijon normalisht për mjetet e pajisura me goma dimërore.
Probleme janë shënuar edhe në aksin Maliq–Kufi Gramsh, ku reshjet e shiut gjatë natës kanë shkaktuar daljen e dy përrenjve me inerte në rrugë. Po punohet për pastrimin e plotë të segmentit. Ndërkohë, reshjet e borës në këtë zonë kanë nisur pa krijuar vështirësi në qarkullim.
Reshje bore janë regjistruar edhe në aksin Ersekë–Tre Urat, por pa ndikuar në lëvizjen e automjeteve.
Në akset Korçë–Ersekë, Zemblak–Goricë dhe Bilisht–Miras, reshjet paraqiten me intensitet të ulët dhe mesatar. Grupet e mirëmbajtjes vijojnë punën për pastrim dhe kriposje, pa raportime për probleme në qarkullim.
Në segmentin kryqëzimi i Boboshticës–Dardhë (Lapidari i Podgories) po operojnë dy mjete borëpastruese për të garantuar kalueshmërinë. Autoritetet rekomandojnë që lëvizja në këtë zonë të kryhet vetëm me goma dimërore.
Lini një Përgjigje