FLASH
Shkruar nga Pamfleti
Moti i keq ka përfshirë gjithë vendin. Teksa në disa qytete të Shqipërisë bien reshje shiu, veriun e vendit e kanë mbuluar reshjet e borës.
Reshjet e borës po vijojnë në aksin Bogë-Theth në lartësitë mbi 1200 m. Ndërkohë një borëpastruese vijon punën për pastrimin e rrugës.
Raportohet se në zona më të ulëta ka rënie gurësh dhe inertesh. Po ashtu, në aksin Tamarë-Vermosh kanë filluar reshjet e borës, por pa krijuar probleme në rrugë.
Ndërkohë në aksin rrugor Boboshticë-Dardhë ka prezencë të reshjeve të dëborës, reshjet kanë nisur gjatë mëngjesit të sotëm dhe aktualisht janë duke rënë ende.
Mësohet se trashësia ka shkuar deri në 5 cm, ndërsa kontraktorët janë në terren për çdo situatë të krijuar nga moti, për pastrim dhe kriposje të rrugëve.
Nuk ka vështirësi në qarkullimin e mjeteve por drejtuesit e mjeteve duhet të ulin shpejtësinë dhe të respektojnë rregullat e qarkullimit rrugor.
Në aksin Shtylle-Panarit janë regjistruar reshje të lehta dëbore këtë mëngjes, ndërsa trashësia ka shkuar deri në 2 cm. Ndërkohë, i gjithë qarku i Korçës prej mbrëmjes së djeshme është përfshirë nga reshjet e shiut.
Lini një Përgjigje