FLASH
Shkruar nga Pamfleti
Kultivuesit e midhjes në liqenin e Butrintit protestuan para bashkisë së Sarandës, duke shprehur pakënaqësinë për degradimin e liqenit dhe vonesat në dhënien e kontratave të qirasë për përdorimin e impianteve. Një prej protestuesve, në shenjë revolte, derdhi një kovë me midhje gjatë mbledhjes së këshillit bashkiak.
Sipas protestuesve, bllokimi i portave të HEC Bistricës, që furnizon liqenin me ujë të ëmbël, po redukton nivelin e oksigjenit në ujë, duke ndikuar negativisht në cilësinë dhe prodhimin e midhjes. Soraldo Nebo, një prej kultivuesve, deklaroi se analizat e pavarura kanë treguar mungesë oksigjeni të tretur në ujë, duke paralajmëruar për pasoja edhe më të rënda gjatë verës.
“Kemi riskuar humbjen e fares këtë vit. Parametrat jetësorë të liqenit janë në rënie dhe nëse situata vazhdon kështu, do të kemi pasoja të rënda për prodhimin,” u shpreh Nebo.
Lini një Përgjigje