FLASH
Shkruar nga Pamfleti
Prokuroria e Posaçme nisi sot arrestimet për koncesionet në shëndetësi, ndërkohë që habiti fakti që masat e sigurisë janë dhënë 2 muaj para. Masat e sigurisë u miratuan nga Gjykata e Posaçme më 23 qershor, por SPAK nuk sqaroi në njoftim ekzekutimin e tyre vetëm tani.
I pyetur nga BIRN, prokurori i çështjes, Edvin Kondili e lidhi vonesën e ekzekutimit të masave të sigurisë me faktin që biznesmeni nën akuzë, Ilir Rrapaj nuk ndodhej në Shqipëri.
“Ka qenë një taktikë e jona, sepse e dinim që do të vinte edhe personi tjetër nën hetim,” tha ai, duke nënkuptuar se arrestimi i ish-zv.ministrit Rjepaj mund të sillte si pasojë largimin e biznesmenit Ilir Rrapaj.
Kërkesa e SPAK për masat e sigurisë ndaj tetë personave nën akuzë, pa përfshirë ish-ministrin e Shëndetësisë, Ilir Beqja dhe atë të Financave, Shkëlqim Cani është vlerësuar si minimale nga gjykata.
“Unë pashë që kishte vepra të tjera penale dhe persona, përfshi edhe dy ish-ministrat dhe e kam orientuar prokurorinë që të hetojë në këtë drejtim”, tha në një bisedë telefonike gjyqtari Erion Bani, i cili shqyrtoi masat e sigurisë.
Lini një Përgjigje