FLASH
Shkruar nga Pamfleti
Juristi Kreshnik Spahiu është shprehur se reforma në drejtësi siç po kryhet me SPAK në Shqipëri është eksperimentuar më parë në vende si Çekia, Sllovakia apo Kroacia dhe ka rezultuar e suksesshme.
I ftuar në emisionin “Frontline”, në “Report Tv”, Spahiu tha se për këtë arsye SPAK është një projekt i suksesshëm i SHBA dhe BE.
“Reforma në drejtësi nuk është projekt as i Edi Ramës, as i Sali Berishës, as i Ilir Metës. Reforma në drejtësi nuk është projekti sui generis. Shqipëria vendi i fundi që po implementohet. Është bërë në Çeki, Sllovaki, Kroaci, Bosnje, Rumani. Shqipëria ishte bastioni i fundit. Këtë e votoi Rama. Po sigurisht ata ishin në parlament. Edhe Gjykata Speciale u votua nga Hashim Thaçi, dhe sot është në burg. Për këtë arsye them se është një projekt i suksesshëm i SHBA dhe BE, që e quajnë sukses të tyre. U kalua me presion. Një miku jonë thirret në ambasadë, i thonë zotëri do e votosh.
Kur del nga ambasada pimë një kafe dhe i thamë ç’të thanë, lëre tha duhet votuar. Nëse nuk votohet më kujtuan disa gjëra të 20 viteve që i kisha harruar. I kishin hapur një dosje të para 20 viteve çdo deputeti që bëhej pengesë. Ju janë nxjerrë dosjet, o e votoni ose do keni probleme serioze. Reforma sapo ka filluar”, tha ai.
Lini një Përgjigje