FLASH
Shkruar nga Pamfleti
Përplasja që kryeministri Edi Rama pati në Këshillin e Sigurimit në OKB me ambasadorin rus ka sjellë reagime nga Moska. Vetë ministri i Jashtëm Lavrov ka pasur një takim me Sekretarin e Përgjithshëm të OKB, Antonio Guterres, ku ka kërkuar që të mos përdoren standarde të dyfishta sa i takon territoreve.
“Gjatë bisedimeve, Lavrov dhe Guterres u fokusuan në çështjet urgjente ndërkombëtare, si dhe në aspekte të ndryshme të bashkëpunimit Rusi-OKB. Ministri rus theksoi nevojën që udhëheqja e OKB-së dhe të gjithë punonjësit e saj t'u përmbahen parimeve të paanshmërisë. Lavrov i kërkoi gjithashtu sekretarit të përgjithshëm të OKB-së që të parandalojë që përfaqësuesit e strukturave të OKB-së të përfshihen në nisma të politizuara në kontekstin e konfliktit në Ukrainë”, tha ministria e Jashtme ruse.
Lavrov dhe Guterres diskutuan gjithashtu temën e reformimit të OKB-së për ta përshtatur atë me realitetet aktuale, tha ministria, duke shtuar se ministri rus vuri në dukje rëndësinë e opinioneve të të gjitha vendeve anëtare të OKB-së në kryerjen e reformave dhe ruajtjen e natyrës ndërqeveritare të organizatës. si dhe vëzhgimin e “ndarjes së punës” ndërmjet organeve kryesore të saj.
Lini një Përgjigje