FLASH
Shkruar nga Pamfleti
Për të tretën herë, nuk është bërë e mundur zhvillimi i seancës paraprake për dosjen “Metamorfoza”.
Shkak për shtyrjen këtë të enjte u bë mungesa e Pëllumb Gjokës, i cili nuk u paraqit në seancë për shkak të problemeve shëndetësore.
Përveç thyerjes së këmbës, Gjoka ka shfaqur edhe probleme me zemrën, konkretisht me aritminë, problem i cili sipas avokatit e ka penguar atë të kryerjë operacionin e këmbës në spitalin privat.
Në seancën e kësaj të enjte në GJKKO u paraqit një avokat italian, i cili kërkoi të ishte i pranishëm në seancë, ndërkohë që nuk u lejua për shkak se është seancë paraprake.
Avoakti italian erdhi për të monitoruar procesin, pasi pretendoi se një studio në Itali dhe një tjetër në Britaninë e Madhe po përgatiten ta dërgojnë çështjen në Gjykatën e Strasburgut.
Seanca e radhës u caktua në datë 18 korrik ora 11.00.
Më 4 maj, Prokuroria e Posaçme mbylli hetimet dhe dërgoi në GJKKO dosjen për gjykim, për disa të pandehur, ndërkohë qe ndau çështjen për disa të tjerë.
Prokuroria e Posaçme deri më tani i ka komunikuar akuzat biznesmenit Pëllumb Gjoka, ish shefit të operacionales Oltion Bistrit dhe Ardit Hasanbegaj.
Lini një Përgjigje