FLASH
Shkruar nga Pamfleti
Drejtori i Përgjithshëm i Policisë, Ilir Proda është paraqitur mëngjesin e sotëm në ambientet e Gjykatës së Posaçme Kundër Korrupsionit dhe Krimit të Organizuar (GJKKO).
Mësohet se vizita e tij lidhet me diskutime për masat e sigurisë brenda dhe rreth ambienteve të gjykatës.
Vizita e tij zhvillohet në kuadër të forcimit të masave të sigurisë në gjykata. Pra, fakti është që Ilir Proda nuk u kujtua për të shtuar sigurinë në institucionet e drejtësisë, para vrasjes së gjyqtarit të Apelit Astrit Kalaja.
Megjithëse, referuar shkresave të KLGJ-së, Policisë së Shtetit i ishte kërkuar disa herë marrja e masave për mbrojtjen e institucioneve të drejtësisë për rritjen e sigurisë në të gjitha gjykatat e vendit.
Një ndër këto masa ishte edhe sigurimi i pranisë së efektivëve të specializuar të sigurisë apo të Policisë së Shtetit në Gjykata.
Proda do të diskutojë pikërisht sot, me drejtues të GJKKO-së dhe përfaqësues të institucioneve ligjzbatuese për mënyrat e garantimit të rendit dhe sigurisë gjatë zhvillimit të proceseve gjyqësore me risk të lartë.
Lini një Përgjigje