FLASH
Shkruar nga Pamfleti
Po ashtu po sot gjyqtarja e Apelit të GJKKO-së, Ilirjana Olldashi pritet të shpallë vendimin mbi dy kërkesat e ish-kryeministrit Sali Berisha, atë kundër masës arrest shtëpie, si edhe përjashtimin e gjyqtares Irena Gjoka nga çështja e tij.
Jamarbër Malltezi, dhëndri i ish-kryeministri Sali Berisha do japë llogari sot në SPAK, lidhur me çështjen “Partizani”, ku akuzohet se ka kryer pastrim parash.
Po ashtu po sot gjyqtarja e Apelit të GJKKO-së, Ilirjana Olldashi pritet të shpallë vendimin mbi dy kërkesat e ish-kryeministrit Sali Berisha, atë kundër masës arrest shtëpie, si edhe përjashtimin e gjyqtares Irena Gjoka nga çështja e tij.
Seanca e djeshme zgjati për rreth tre orë, ndërsa në fund Olldashi vendosi që ta shtyjë për sot shpalljen e vendimit për ish-kryeministrin në hetim për aferën Partizani.
Berisha është në dorë të gjyqtares që liroi nga qelia dhëndrin e tij Jamarbër Malltezi.
Dhëndri i Berishës, u arrestua në Rinas në 20 tetor, nën akuzën e 'korrupsionit' dhe 'pastrimit të parave' në dosjen e ish-kompleksit “Partizani”.
Ai u mbajt në paraburgim derisa u vendos masa për ndryshimin e masës së tij të sigurisë. Po ashtu më 20 tetor gjykata vendosi masën e sigurimit pasuror “sekuestro preventive”, për 16 pasuri të paluajtshme të Malltezit, 6 llogari bankare me vlerë 250 mijë euro dhe kuotat e Jamarbër Malltezit në shoqëritë “Homeplan”, “Magnet IMO” dhe “Magnet Gym&Fit.
Sipas SPAK, Malltezi ka përfituar 5.4 milionë euro me kthimin e pronës së ushtrisë, në truall ndërtimi duke i paraqitur këto të ardhura si fitim biznesi, me ndihmën e biznesmenit Fatmir Bektashi, në një kohë që sipas SPAK, nuk kishte kryer asnjë investim.
Që prej 21 nëntorit, Jamarbër Malltezi ndodhet në arrest shtëpie.
Vendimi i Apelit i GJKKO-së urdhëroi lirimin nga ambientet e paraburgimit Jamarër Malltezi në rast se nuk mbahet për ndonjë shkak tjetër si dhe urdhëron të hetuarin të mos largohet nga banesa e tij e ndodhur në adresën {…} si dhe të mos komunikojë me persona të tjerë me përjashtim të atyre që banojnë në të njëjtën banesë me të.
Përmes avokatëve Malltezi ka kërkuar kthimin e telefonit dhe kompjuterëve si dhe disa materialeve të tjera shkresore, të sekuestruara me urdhër të SPAK.
Lini një Përgjigje