FLASH
Shkruar nga Pamfleti
Prokurori i Përgjithshëm, Olsian Çela ka miratuar sot qarkoren “Për hetimin e çështjeve që lidhen me sigurinë e gazetarëve dhe të mediave”.
Ajo u është dërguar të gjitha prokurorive ne rrethe dhe u kërkohet të hetojnë me shpejtësi çdo rast dhune ndaj gazetarëve. Duket se Olsiani është kujtuar më në fund, pasi gazetarët po kërcënohen dhe dhunohen barbarisht, por prokurorët i nxjerrin nga qelia kriminelët.
“Duke vlerësuar se liria e medias është thelbësore për funksionimin normal të shoqërisë demokratike dhe se siguria e gazetarëve dhe e mediave ndaj çdo forme veprimi të paligjshëm që përbën vepër penale, është garanci për ushtrimin e të drejtës kushtetuese dhe konventore të lirisë së shprehjes, Prokuroria e Përgjithshme angazhohet për të trajtuar çështjet e sulmeve ndaj gazetarëve dhe medias si një prioritet institucional.
Kjo qarkore synon koordinimin e veprimtarisë si dhe fuqizimin e kapaciteteve institucionale në drejtim të mbrojtjes së gazetarëve nga çdo akt kërcënimi, dhune apo çdo veprim i paligjshëm që synon pengimin e tyre në ushtrimin e profesionit.
Në bazë të saj, drejtuesit e prokurorive dhe prokurorët duhet të ndjekin me përparësi çështjet që lidhen me sigurinë e gazetarëve dhe të mediave dhe të mbikëqyrin në vazhdimësi punën e oficerëve të policisë gjyqësore që hetojnë këto çështje, për të siguruar shpejtësinë dhe cilësinë e hetimeve”, thuhet në qarkore.
Lini një Përgjigje