FLASH
Shkruar nga Pamfleti
Prokuroria e Dortmundit në Gjermani ka regjistruar një kallëzim penal në ngarkim të vëllait të Anila Bashës, Ilirian Basha, për kërcënim ndaj drejtorit të Acromax, Aldor Nini, për motive të dobëta.
Prokuroria e Dortmundit ka hapur një dosje penale për Ilirian Bashën, pasi në 16 qershor të këtij viti, pas ndeshjes Itali-Shqipëri, në stadiumin e Dormundit ‘Signal Iduna Park’, ka tentuar të sulmojë fizikisht Aldor Ninin pas fundit dramatik të lidhjes së Ninit me Sara Bashën, të bijën e Ilirian Bashës.
Ndeshja e parë e Kampionatit Evropian të Futbollit gati sa nuk përfundoi me një skandal, pasi vëllai i Anila Bashës, kur iu vërsul Aldor Ninit nëpër shkallët e stadiumit, ishte pjesë e grupit të beut të futbollit Armand Duka në stadium, për shkak të të motrës Anila Basha, e cila është anëtare e Komitetit Ekzekutiv në FSHF-së.
Ilirian Basha, sapo ka parë Aldor Ninin, është sulur drejt tij i tërbuar nëpër shkallët e stadiumit, duke e kërcënuar se do t’a vriste pas ndarjes jo edhe aq paqësore të Aldor Ninit me vajzën e z. Basha, Sara Basha, një histori e njohur tashmë për publikun dhe që ka përfunduar në dyert e drejtësisë.
Për incidentin kanë nisur një hetim autoritetet lokale gjermane. Me mbledhjen e provave, ku përfshihen pamjet filmike dhe dëshmi, Prokuroria e Dortmundit ka hapur një çështje penale për Ilirian Bashën, kandidatin për vjehërr të Aldor Ninit.
Ndërkaq, një çështje penale në Gjermani është hapur edhe për Vesho mallistin, i cili sapo është dënuar tre herë nga Gjykata e Köln-it në Gjermani duke konstatuar shkelje të përsëritur nga ana e tij të së drejtës së autorit, me publikimet dhe maskarallëqet në pusetën e tij mediatike CNA.
Ndërkaq, Prapaskena ka informacion se Vesho mallisti dhe Anila Basha po ushtrojnë presion ndaj gjyqtares Enkeleida Dalipi, e cila ka marrë në shqyrtim një dosje skandaloze dhe tendencioze, me fabrikime dhe arnime kundër Aldor Ninit, gjoja për përndjekje ndaj Sara Bashës.
Jo vetëm që nuk ekziston asnjë element i faktit penal të pretenduar në dosjen që reflekton hakmarrjen e Anila Bashës, por prokuroria duhet të kishte marrë nën hetim zonjën Basha, e cila po përdor mbesën për interesat e saj, si dhe Ilirian Bashën për dhunë ndaj vajzës, siç edhe kjo e fundit shprehet se është dhunuar nga familja në një video të publikuar në media./Prapaskena
Lini një Përgjigje