FLASH
Shkruar nga Pamfleti
Një tjetër tërmet u regjistrua mbrëmjen e sotme në juglindje të vendit, duke vijuar serinë e lëkundjeve sizmike që po prekin zonën prej dy ditësh.
Sipas të dhënave paraprake, tërmeti kishte epiqendër në Desmirë të bashkisë Maliq dhe u ndje disa minuta më parë. Magnituda e lëkundjes u vlerësua 3.9 ballë.
Ky është tërmeti i dymbëdhjetë i regjistruar në juglindje gjatë 48 orëve të fundit, një periudhë e karakterizuar nga aktivitet sizmik i vazhdueshëm.
Një ditë më parë, mbrëmjen e së mërkurës, zona u godit nga një tërmet më i fortë me magnitudë 4.1 ballë, i cili u pasua nga disa lëkundje më të lehta.
Autoritetet vijojnë monitorimin e situatës sizmike, ndërsa lëkundjet e njëpasnjëshme mbajnë zonën në vëmendje të shtuar.
Lini një Përgjigje