FLASH
Shkruar nga Pamfleti
Genta Tafa Bungo është betuar mes tensioneve si Komisionere për Mbrojtjen nga Diskriminimi.
Ajo ishte sot në seancën plenare parlamentare për të bërë betimin, por në momentin që u thirr nga kreu i Kuvendit Niko Peleshi, deputetët e PD u çuan në këmbë duke hedhur akuza. Gjithsesi ajo vijoi me formulën e betimit dhe nga sot është Komisionere për Mbrojtjen nga Diskriminimi.
Kur u shpall Reforma në Drejtësi, qytetarëve iu tha se për herë të parë do të ndodhte një “spastrimi moral” i elitës gjyqësore. Në shoqëri u ngjall shpresa se më në fund do të dilte në pah një brez i ri gjyqtarësh e prokurorësh, i përzgjedhur sipas integritetit dhe transparencës.
Mirëpo tani që ka përfunduar procesi i Vetingut, vijojnë të shtohen pikëpyetjet se sa i drejtë ka qenë ai proces.
Olsi Komici, anëtar i KPK sot është deputet i Partisë Socialiste. Ai u katapultua nga Komision i Pavarur i Kualifikimit te salla e Parlamenti. Pra një lloj shpërblimi.
Holta Zaçaj, ish anëtare e Gjykatës Kushtetuese, u emërua nga Partia Socialiste anëtare e Këshilit Mbikëqyrës të Bankës së Shqipërisë.
Ndërkohë Genta Tafa Bungo, ish-anëtare e KPK, u bë Komisionere për Mbrojtjen nga Diskriminimi.
Lini një Përgjigje