FLASH
Shkruar nga Pamfleti
Reshjet e dendura të shiut që kanë përfshirë rajonin jugor gjatë orëve të fundit, kanë shkaktuar probleme në qarkullimin e automjeteve në aksin rrugor Kardhiq–Delvinë, pranë tunelit të Skërficës.
Sipas raportimeve nga drejtues të mjeteve, në disa segmente të rrugës ka pasur rënie gurësh, balte dhe inerte, duke e bërë lëvizjen të rrezikshme, sidomos në kthesat afër hyrjes së tunelit.
Fatmirësisht, deri më tani nuk raportohet për të lënduar, por rreziku mbetet i lartë nëse reshjet do të vijojnë me të njëjtin intensitet.
Shërbimet e qarkullimit rrugor të Sarandës janë në terren duke monitoruar situatën ndërsa këshillojnë drejtuesit e mjeteve të tregojnë kujdes, kryesisht në këtë aks rrugor.
Lini një Përgjigje