FLASH
Shkruar nga Pamfleti
Për dy ditë me radhë, sot dhe nesër, kryeministri Edi Rama, i gjithë kabineti qeveritar, grupi parlamentar po zhvillojnë një mbledhje informale me dyer të mbyllura në Shëngjin.
Gazetari Enton Abilekaj tha se mbledhja e përbashkët e qeverisë dhe partisë për të diskutuar qeverisjen e 2024 është shembje e çdo ideje institucionale që sipas tij ndodhte vetëm në kohën e partisë komuniste.
“Kemi një qeveri që mblidhet me partinë dhe diskuton për qeverisjen e 2024, që këtu kemi shembjen e çdo ideje institucionale, kjo ndodhte vetëm në kohën e partisë komuniste. Sa për sy e faqe të paktën nuk mund të mblidhet partia me qeverinë bashkë në një resort, kjo tregon që nuk i njohin institucionet në këtë vend, janë zero. Ashtu si Rama vendos të shkrijë 3 ministri, të shkarkojë një ministre dhe nxjerr vetëm një dekret, kjo tregon se nuk njeh asnjë institucion, bën çfarë të dojë”, tha Abilekaj në emisionin Now në Euronews Albania.
Lini një Përgjigje