FLASH
Shkruar nga Pamfleti
Policia e Shtetit i është drejtuar me një apel të gjithë qytetarëve që gjatë ditës së premte (28 shkurt) kanë planifikuar të udhëtojnë drejt Greqisë, atje ku doganierët grekë nga ora 07:00 deri në orën 23:00 do të bëjnë një grevë.
Në njoftimin e Policisë thuhet se punonjësit e doganës greke në PKK Kakavijë, PKK Qafë Bot - Sarandë dhe PKK Tre Urat - Përmet do të zhvillojnë grevë, dhe për këtë arsye do të pezullohet lëvizja e lirë e automjeteve.
“Policia Kufitare e Janinës ka sqaruar se gjatë kësaj periudhe do të lejohen vetëm këmbësorët pa bagazhe dhe rastet emergjente shëndetësore (ambulancat).
Nisur nga kjo situatë, Policia Kufitare apelon për të gjithë qytetarët dhe drejtuesit e automjeteve që kanë planifikuar lëvizjen drejt Greqisë, të gjejnë alternativa të tjera për të udhëtuar dhe të shmangin grumbullimin në pikat kufitare të sipërpërmendura deri në një njoftim të dytë”, thuhet në njoftim.
Lini një Përgjigje