FLASH
Shkruar nga Pamfleti
Policia e Shtetit ka reaguar pas vrasjes së ish policit të burgjeve Gentjan Bejtja që u ekzekutua pasditen e sotme në shtëpinë e tij në Larushkë të Fushë Krujës.
Bejtja i ka shpëtuar më herët tre atentateve, ndërsa atentati i sotëm i mori jetën.
Persona ende të panjohur kanë ekzekutuar Betjan në oborrin e banesës së tij, ndërsa pak minuta më vonë u gjet dhe një makinë e djegur.
'Më datë 15.03.2024, në fshatin Larushk, Krujë, nga persona ende të paidentifikuar është vrarë me armë zjarri shtetasi G. B.
Një grup i posaçëm hetimor, nën drejtimin e Prokurorisë, vazhdon punën për sqarimin e rrethanave të ngjarjes, identifikimin dhe kapjen e autorëve të dyshuar', njofton policia.
Gentian Bejtja, ish-polic burgjesh, i cili u ekzekutua me armë zjarri këtë të premte, ka qenë disa herë në shënjestër të atentateve. Më 4 korrik të vitit të shkuar, ndaj Bejtjes u organizua një tjetër atentat ku mbeti i vrarë vëllai i bashkëshortes së tij, Ramazan Sino, dhe iu plagosën dy fëmijët e tij, 13 dhe 8 vjeç.
Në 9 janar të vitit 2022 Gentian Bejtja ish-polic burgu, i shpëtoi një atentati me breshëri kallashnikovi, në afërsi të Niklës në Fushë-Krujë, por u plagos në krah miku i tij 31 vjeçar Klodian Stafuka, i cili ndodhej me të në të njëjtën makinë gjatë momentit kur ndaluan mjetin për ta furnizuar me karburant. Në shtator të vitit 2016, ndaj tij u bë një atentat me tritol.
Lini një Përgjigje