FLASH
Shkruar nga Pamfleti
Eurodeputeti, Ignazio Marino gjatë fjalës së tij në Parlamentin Europian ka sulmuar paktin “Rama-Meloni” duke e quajtur atë çnjerëzor.
Marino tha se marrëveshja e kampeve në Shqipëri ka si model, burgu në bazën amerikane të “ Guantanamos ” në Kubë. Eurodeputeti pretendon se nxjerrja e emigrantëve jashtë kufijve të BE-së, i jep mundësi vendeve që t’i trajtojnë emigrantët jashtë kornizave ligjore.
Ai shtoi më tej se edhe qentë trajtohen më mirë se emigrantët që do të përfundojnë në kampet shqiptare.
“Kampi për azilkërkuesit e krijuar nga Italia në Shqipëri është “një kamp përqendrimi ” i cili ka një precedent të fundit, burgu në bazën amerikane të “ Guantanamos ” në Kubë. Ndershmëria intelektuale mungon në atë pjesë të kësaj dhome që dy ditë më parë hodhi poshtë diskutimin për dëbimin dhe ndalimin, në një kamp përqendrimi jashtë kufijve evropianë, të emigrantëve që ikin për t'i shpëtuar dhunës, urisë, varfërisë. Marrëveshja e qeverisë Meloni me Shqipërinë ka një precedent: bazën e Guantanamos, ku të burgosurit mund të trajtohen jashtë ligjit. Por në rastin e Guantanamos kemi të bëjmë me dyshime për terrorizëm. Bëhet fjalë për trajtimin ‘holistik’ të njerëzve të dëshpëruar.
Imagjinoj – vazhdon ai – që secili prej jush mbrëmë, duke përfshirë të nderuarin Nicola Procaccini , të cilin e falënderoj për dëgjimin, kishte një darkë të shkëlqyer dhe këtë mëngjes një dush të nxehtë gjallërues. Ja pra, vizioni holistik me fjalët e kryeministrit italian: Kufijtë janë të shenjtë dhe qentë dhe derrat mbërrijnë në Evropë. Nuk di për derrat – përfundon ai – por qentë tanë të dashur shtëpiak në Evropë marrin një trajtim shumë më holistik se ai i rezervuar për emigrantët e sjellë në Shqipëri", tha ai.
Lini një Përgjigje