FLASH
Shkruar nga Pamfleti
Mesditën e së enjtes u ça diga e hidrocentralit në Bunec të Himarës. Në media është publikuar një video ku duket edhe momenti i shembjes së digës që krijoi përmbytje në zonë.
Për pasojë janë dëmtuar 12 biznese dhe 2 banesa.
Lidhur me situatën e krijuar reagoi edhe ministria së Mbrojtjes.
“Në momentin e shembjes ka patur rreth 15.000 metra kub ujë. Si pasojë ka prezencë uji dhe balte në 12 biznese në Bunec dhe është dëmtuar baza ushqimore e blektorisë ne 2 familje. Nuk ka probleme në njerëz.”, – thotë ministria.
Teksa po punohet për pastrimin e baltës së krijuar, tanimë aksi Bunec – Piqeras është i kalueshëm.
“Situata po ndiqet nga prefektura Vlorë dhe strukturat e emergjencave civile të bashkisë Himarë. Ministria e Mbrojtjes, Agjencia Kombëtare e Mbrojtjes Civile dhe Forcat e Armatosura janë përherë në gatishmëri, në ndihmë të komunitetit.”,përfundoi ministria e Mbrojtjes.
Lini një Përgjigje