FLASH
Shkruar nga Pamfleti
Kreu i Unionit Demokratik Shqiptar, një prej partive shqiptare në Malin e Zi, Meto Zenka ka folur për dhunimin e 3 të rinjve shqiptarë.
Në një intervistë për “News 24”, ai tha se pas ngjarjes së rëndë forca politike që ai drejton ka reaguar në gjithë mediat e vendit dhe ka bërë apel për zbulimin e të vërtetës.
Zenka theksoi se sipas informacioneve që ka, kanë qenë 7 militantë serbë kanë sulmuar të rinjtë shqiptarë, ndërkohë tregon se 3 prej tyre janë arrestuar.
Sipas tij, ky nuk ishte një incident banal, por një sulm i qëllimshëm që shpreh urrejtjen e serbëve, të cilët pasi panë simbolet shqiptare në mjetin e të rinjve dhe kanë nisur provokimet e më pas sulmin fizik ndaj tyre.
“Kemi reaguar në të gjithë mediat në Malin e Zi dhe kemi bërë apel për arritjen e zbulimit të së vërtetës. Sipas informatave tona, 3 djemtë shqiptarë që thanë se u dhunuan nga 7 apo 8 militantë serbë, ne vërtetuam se ata ishin 7 vetë, 3 prej të cilëve janë arrestuar dhe 4 janë në kërkim.
Unë kam kontaktuar edhe me kryeministrin malazez, i cili dha urdhër për zbardhjen e menjëhershme të ngjarjes. Organet e policisë erdhën shpejt dhe pritet që deri nesër të arrestohen edhe personat në kërkim.
Zakonisht këta persona janë militantë të politikës serbe.
Nuk është një incident banal, por ishte diçka e qëllimshme për të shprehur urrejtjen e të rinjve serbë të veshur me uniforma serbe që sapo panë regjistrimet dhe targat shqiptare kanë nisur provokimet dhe kanë sulmuar të rinjtë shqiptarë.
Dita ditës jemi dëshmitarë të thirrjeve pro-serbe kundër pakicave në Malin e Zi, disa herë edhe sulme fizike. Kryeministri ka kërkuar marrjen e masave ndaj autorëve të dhunës, mirëpo shqetësimi është te paraqitja e këtij rasti si një incident trafiku. Ata kanë qenë duke ecur në këmbë, militantët serbë, dhe më pas kanë provokuar shqiptarët dhe i kanë sulmuar”, tha ai.
Lini një Përgjigje