FLASH

TAGS-AT E JAVËS

Sport14 Tetor 2023, 20:16

Zbulohet renditja përfundimtare dhe fituesi i “Topit të Artë” 2023, lajmin e publikon miku i familjes së futbollistit

Shkruar nga Pamfleti

Zbulohet renditja përfundimtare dhe fituesi i “Topit të

Fituesi i “Topit të Artë” për këtë vit pritet të shpallet me një ceremoni madhështore më 30 tetor në Paris. edhe pse duhen edhe disa ditë që të mësohet fituesi i këtij çmimi, ka zëra se fituesi është përcaktuar dhe ai pritet që të jetë i zakonshmi…Lionel Mesi. 

Lajmin në fjalë ë ka bërë të ditur një mik i familjes së futbollistit argjentinas. Sipas pretendimit të Dosetit thuhet se “Pleshti” ka dalë fitues në duelet rivalizuese me sulmuesin norvegjez të Mançester Sitit, Erling Haland, si dhe yllin francez, Kiljë Mbape.

Mesi është informuar paraprakisht!

Në të vërtetë, sipas zërave më të fundit, një delegacion gazetarësh nga ‘France Football’ kishte udhëtuar në shtëpinë e Mesit në Shtetet e Bashkuara javën e kaluar për të kryer një seancë fotografike, një prelud për zyrtarizimin e trofeut të tij të ri individual.

Përfaqësuesit e super yllit argjentinas nuk e kanë mohuar këtë takim.

Gjatë sezonit të shkuar, 36-vjeçari fitoi Kupën e Botës si kapiten i Argjentinës në Katar, si dhe shënoi 21 gola dhe 20 asiste me PSG në 41 ndeshje të luajtura në të gjitha kompeticionet, ku fitoi edhe titullin e dytë kampion në Ligën 1. Nëse del pretendimi i mikut të familjes, i bie që ky të jetë trofeu i tetë i “Topit të Artë” të fituar nga Lionel Mesi. Këtë trofe individual, “Pleshti” e ka fituar në vitet  2009, 2010, 2011, 2012, 2015, 2019, dhe 2021.

Kjo duket se është renditja përfundimtare:

1 – Lionel Mesi: 448 pikë

2 – Erling Haland: 294 pikë

3 – Kevin De Brojne: 165 pikë

4 – Kiljë Mbape: 116  pikë

5 – Rodri: 85  pikë

lionel mesi topi i artë

Lini një Përgjigje

Sport

Na ndiqni edhe në
KONTAKT TE DHENAT PERSONALE COOKIES