FLASH
Shkruar nga Pamfleti
Pak ditë më parë, Çavi Hernandez shënoi një kthesë të vërtetë për Barçën, duke njoftuar se aventura e tij në stolin katalanas do të përfundonte në fund të sezonit.
Ndërsa priste të shihte nëse e ardhmja e tij do të shtrihet në të vërtetë kaq larg, duke pasur parasysh paraqitjet e komplikuara të klubit katalanas, çështja e pasardhësve të tij padyshim lulëzoi shumë shpejt.
Dhe orët e fundit ka mbërritur në tryezë një propozim befasues: që Lionel Mesi të vijë si shpëtimtar për të marrë rolin e trajnerit të Barcelonës!
Kjo ide erdhi nga ish-mesfushori, Dani Mërfi, i cili kishte kulmin te Liverpuli dhe që tani është konsulent për radion “TalkSport”, bëri këtë propozim të bujshëm.
“Unë do t’ia jepja stolin e Barçës, Leo Mesit. Tifozët do ta pranonin menjëherë. Çdo gjë që ai prek kthehet në ar. Ai u vendos në këtë tokë për të bërë gjëra të pabesueshme. Dhe kjo nuk do të ndalet edhe si trajner”,- siguron Mërfi.
Leo Mesi trajner i Barçës, një mundësi reale? Në një intervistë për “Star +” së fundmi, ylli argjentinas siguroi se nuk kishte në mendje një të ardhme si trajner… ndërsa vetë kujtoi se edhe Zinedin Zidan kishte thënë të njëjtën gjë.
“Unë nuk kam ndërmend të jem trajner, por Zidan tha pikërisht këtë dhe pas kësaj ai u bë trajner dhe fitoi Ligën e Kampionëve tre herë. Më pëlqen roli i drejtorit sportiv, ndërtimi i ekipeve dhe trajnerët mbështetës, por as nuk jam plotësisht i sigurt”,- tha Mesi muajt e fundit.
Lini një Përgjigje