FLASH
Shkruar nga Pamfleti
Anglia kurrë nuk e ka dashur VAR-in aq sa ka menduar ta heqë fare. Tifozët mbi të gjitha luftojnë për të kuptuar vendimet më të diskutueshme të arbitrave dhe për këtë arsye Premier Liga ka vendosur të nisë një risi të rëndësishme për të përmirësuar komunikimin.
Turneu kryesor i futbollit anglez ka hapur një llogari të re në rrjetin social “X”, në funksion të fillimit të sezonit 2024-2025: Qendra e Ndeshjeve të Premier Ligës.
Për herë të parë, kjo llogari zyrtare sociale do të ofrojë shpjegime dhe përditësime pothuajse në kohë reale mbi çështjet operacionale dhe të arbitrazhit për çdo ndeshje të Premier Ligës.
Llogaria do të postojë shpjegime të vendimeve të arbitrimit në fushë dhe përfshirjes së gjyqtarit ndihmës video (VAR), duke përfshirë rolin e teknologjisë në procesin e vendimmarrjes.
Në mungesë të transmetimeve të drejtpërdrejta audio VAR, pasi ato nuk lejohen aktualisht në futbollin botëror, Qendra e Ndeshjeve të Premier Ligës do të jetë në gjendje të transmetojë informacione në kohë reale nga qendra VAR në mediat sociale gjatë një ndeshje të ligës.
Lini një Përgjigje